Könbatış illärendä koronavirus

Koronavirus säbäple ğomere özelüçelär dön’ya külämendä 575 meñ 641dän, yoqtıru oçraqları 13 million 241 meñnän arttı. Sawığuçılar sanı – 7 million 708 meñ.

138 meñ 247dän kübräk keşesen yuğaltqan AQŞta koronavirustan saqlanu öçen bitlek kullanu däräcäse demokratlar arasında, cömhüriyätçelär belän çağıştırğanda, ike tapqır yuğarıraq buluı açıqlandı. Gallup tikşerenü şirkäte ütkärgän soraştıruğa qarağanda, demokratlarnı yaqlawçılarnıñ 94%ı uramğa çıqqanda härwaqıt yäisä bik yış bitlek qullanuların beldergän. Cömhüriyätçelärdä bu kürsätkeç – 46%.

Braziliyada koronavirus arqasında 72 meñ 921 keşe üşde, yoqtıru oçraqları 1 million 887 meñnän kübräk.

Meksikada Kovid-19 säbäple 35 meñ 491 ğomer özelde. İldä virus yoqtıruçı 304 meñ 435kä citte.

İtaliyada soñğı 24 säğat’tä koronavirus säbäple 13 keşeneñ ğomere özelde. Kizüdä tulayım 34 meñ 967 keşe ülde. Aktiv awıru oçraqları – 13 meñ 157. Kiçä tağın 169 keşedä yoqtıru oçrağı terkälde. İtaliyädä kizüdän iñ nıq zarar kürgän Lombardiya töbägendä Kovid-19dan ülüçelärneñ yaqınnarı tözegän “Şiqayät’ itäbez” dip ataluçı oyışma Bügen Awrupa komissiyäse räise Ursula fon der Layen häm Awrupa keşe xoquqları mäxkämäse räise Robert Ragnar Spanoğa xat cibärde. Alar Lombardiyädäge cinayät’ şikayät’lären tikşerüne kontrol’dä totunı sorıy. Älege törkem 10nçı iyün’dä Bergamo şähärendä general’ prokuraturağa barıp yaqınça 50 cinayät’ êşe xaqında belderde.

Franśiyädä kizü säbäple soñğı 3 köndä 25 keşeneñ ülüe belän ğomere özelüçelär sanı 30 meñ 29ğa citte. Virus yoqtırğan keşe sanı isä 24 säğat’tä 288gä artıp 206 meñ 192 buldı.