Süriyägä yärdämnär 1 qapqadan ğına kerteläçäk
Rusiyäneñ vetoları arqasında çik buyı qapqalarınıñ berse yärdämnär öçen yabıldı
Süriyägä gumanitar yärdämnärne Xataydağı Cilvägözü çik qapqası arqılı kertü qabat başlayaçaq. BMO İminlek şurası älege programmanı 1 yılğa ozaytu kileşüen täêmin itte. Moña qadär tawış birügä çığarılğan proyektlarğa Rusiyä 2 tapqır veto quydı. Süriyägä gumanitar yärdäm cibärüneñ bötenläy tuqtaw qurqınıçı bar ide.
Germaniyä häm Bel’giyä tarafınnan İminlek şurasına täq’dim itelgän qarar proyektın 13 il yaqladı, Rusiyä, Qıtay häm Dominikan cömhüriyäte tarafsız qaldı.
BMO Rusiyäneñ vetosına çik quyu häm mexanizmnı yañarta alu öçen Kilistäge Öncüpınar çik buyı qapqasınnan baş tarttı häm yärdämnär kerüçe yulnı 1gä genä qaldırdı. Cilvägözü qarşındağı Babülhava tağın 1 yıl açıq totılaçaq.
Babüsselamedän yärdämnärne Haläpneñ tön’yağındağı yäşägän urınnarınnan quılğan häm moxtac 300 meñ süriyälegä iltälär ide. Açıq qala torğan qapqa Babülhavadan isä İdlibtäge 2 million 800 meñ keşegä yärdäm cibärelä.
Süriyägä gumanitar yärdämnär êlegräk 4 çik buyı qapqası aşa kertelde. Rusiyä uzğan yıl Yordaniyä belän ike aradağı är-Rämsä häm Ğıyraq yağındağı Äl-Yarubbiyä çik buyı qapqaların yaptırdı.
