AQŞta qorallı höcüm

AQŞnıñ Texas ştatı Makallen şähärendä qorallı höcümgä duçar bulğan ike poliśiyä xezmätkäreneñ ğomere özelde. Qalanıñ poliśiyä idaräse başlığı Viktor Rodriges beldergänçä, ike xezmätkär çaqıru buyınça ber öygä kitkän. Alarğa biredä qorallı höcüm yasala. İke poliśiyä xezmätkäre dä waqıyğa urınında can birä.

Alarnı ütergän Aldon Karamillo soñınnan üz-üzenä qul sala. Älege şäxes moña qadär dä xökem itelgän, soñğı waqıtta qorallı höcüm häm narkotik matdä saqlaw ğayepläwläre belän êzläwdä bulğan.