Könbatışta koronavirus: soñğı sannar

Bar dön’yanı teträtkän koronavirus kizüennän 519 meñ 977dän artıq keşeneñ ğomere özelde. Awırular sanı 10 million 850 meñ, sawığuçılar sanı isä 6 million 67 meñ buldı.

Amerika Quşma Ştatlarında ülüçelär sanı 130 meñ 856ğa kütärelde. İldäge aktiv awıru oçrağı 2 million 782 meñgä citte.

İtaliyada virus soñğı täwlektä 21 can aldı. İldä barlığı 34 meñ 788 keşe virustan ülde.

Franŝiyada Kovid-19dtan bügengä qadär 29 meñ 861 keşe yaqtı dön’yadan kitte.

İspaniyada soñğı ber atnada tağın 19 keşeneñ ğomere özelde. İldä Kovid-19 barlığı 28 meñ 363 can aldı.

Portugaliyada kizüdän ülüçelär sanı soñğı täwlektä 3 keşegä artıp, 1579ğa citte. Viruslılar sanı isä 42 meñ 454 buldı.

Braziliyada koronavirus soñğı täwlektä tağın 1038 can aldı. İldä barlığı 60 meñ 713 keşe virustan ülde. Awırular sanı 46 meñ 712gä artıp, 1 million 453 meñ 369kä citte.

Angliyada virus 43906 can aldı, awıru sanı 313 meñ 483kä citte.

Meksikada Kovid-19dan soñğı 24 sägät’tä 741 keşe yaqtı dön’yadan kitte, ülüçelär sanı 28 meñ 510ğa, viruslılar sanı 231 meñ 770kä kütärelde.

9 meñ 754 keşeneñ ğomere özelgän Bel’giyada tışqı êşlär häm saqlanu ministrı Filip Goffin Awrupa Berlegeneñ 1 iyul’dän başlap 14 ilgä säyäxät çikläwläreneñ beterelüen täqdim itüenä qaramastan il çiklären 7 iyul’gä qadär açmayaçağın citkerde.

Kanadada soñğı 48 sägät’tä Kovid-19dan ülüçelär sanı 88gä artıp, 8 meñ 663kä, viruslılar sanı 1219ğa artıp, 106 meñ 84kä çıqtı. 153nçe qorılış yıllığın qotlawçı ildä berençe tapqır kizü arqasında kümäk çaralar oyıştırılmadı.

Awstraliyada virus 104, Yaña Zelandiyada 22, Germaniyada 9061, Niderlandta 6113, Çilida 5753, Şveŝiyada 5370, Kolumbiyada 3470, Argentinada 1351 can aldı.