30 meñ keşe balalarnı cäberläwdä şöbhälänelä
Germaniyädä cinayät'çel çeltärneñ oçına çığarğa tırışalar
Germaniyäneñ Tön’yaq Reyn-Vestfaliyä töbägendäge Bergiş - Gladbax şähärendä poliśiyä balalarnı cäberläwdä şöbhälänep 30 meñ keşegä qarata cinayät’ êşe açtı. Bu xaqta cirlekneñ yustiśiyä ministrı Piter Bizenbax Düsseldorfta uzğan matbuğat cıyılışında belderde. Anıñ äytüençä, älege keşelär cinayät’çel çeltärdä bulğan.
Şöbhälelärne tikşerü barışında xakerlar, terrorçılar häm narkotik satuçılarğa qarata qullanılğan ısullar belän êş itäçäklär. Ministr äytüençä, inspektorlar anonim bularaq yäşerenergä mataşuçılarnıñ İP adresları aşa şäxeslären açıqlayaçaq.
Bergiş - Gladbax şähärendä älege xäl turında bilgele bulğannan soñ, poliśiyä xezmätkärläre dälillär cıya başlağan. Ämma waqıyğanıñ töbäk tışına da çığaçağın farazlıylar. Tikşerüneñ böten Germaniyäne qolaçlawı mömkin.
