Könbatışta koronavirus

Bar dön’yanı teträtkän koronavirus kizüennän 502 meñ 25 keşeneñ ğomere özelde. Awırular sanı 10 million 123 meñ 770nän, sawığuçılar sanı isä 5 million 488 meñ 980nän arttı.

Amerika Quşma Ştatlarında Kovid-19tan bügengä qadär 128 meñ 161 keşe yaqtı dön’yadan kitte.

Kizüdän iñ küp täêsirlängän ikençe il Braziliyada virus soñğı täwlektä 1109 can aldı. İldä barlığı 57 meñ 149 keşe virustan ülde.

Meksikada soñğı 24 sägät’tä tağın 602 keşeneñ ğomere özelde. İldä Kovid-19 barlığı 26 meñ 381 can aldı.

Angliyada kizüdän ülüçelär sanı soñğı täwlektä 100 keşegä artıp, 43 meñ 514kä citte. Viruslılar sanı isä 890ğa artıp, 310 meñ 250 buldı.

İtaliyada kizü soñğı ber köndä tağın 8 can aldı, ülüçelär sanı 34 meñ 716ğa kütärelde. İldäge aktiv awıru oçrağı 802gä azayıp, 16 meñ 836ğa töşte. Soñğı täwlektä 175 yaña oçraq kürelde.

Franŝiyada virustan ülüçelär sanı 29 meñ 788, İspaniyada 28 meñ 341, Bel’giyada 9732, Peruda 9135, Germaniyada 9026, Kanadada 8516, Niderlandta 6105, Çilida 5347, Şveŝiyada 5280, Êkvadorda 4424, Kolumbiyada 2939, Argentinada 1207 buldı.