Makron kitäçäkme?

Franśiyädä däwlät başlığı Êmmanuêl’ Makronnıñ wazıyfasınnan kitep irtä ilbaşı saylawlarında qabat üz kandidaturasın kürsätü mömkinlege alğa sörelde.

“Le Figaro” gazetında yazılğança, Makron 15 kön êlek Angliyä başqalası Londondağı qayber zatlar belän videoêlemtä aşa uzdırılğan cıyılışta säyäsi yaqtan köçäyü öçen täwäkällärgä äzer buluın äytä.

2017nçe yılda ilbaşı känäfiyenä utırğannan birle bik küp krizis qarşında qalğan Makronnıñ wazıyfasınnan kitü häm şunnan soñ bulaçaq irtä saylawda qabat kandidaturasın täq’dim itü mömkinlegen küzdä totuı farazlandı.

Cıyılışta qatnaşqan keşelärneñ berse Makronnıñ “Ciñäçägemä ışanam, çönki minem qarşımda (kandidat bularaq yarışaçaq) berkem yuq,”- diyüen dä citkerde.

Makron ilbaşı wazıyfasınnan kitärgä uylasa, franśuzlarnı künderü öçen köçle argumentlar tabarğa kiräk bulaçaq.

“Le Figaro” gazetına interv’yu birgän Yelisey sarayı wäqalätleläre bolay dide: “Asılında, bez bernindi gipotezanı da bulmas dimibez. Êştän kitü mömkinlege Yelisey sarayındağı cıyılışlarda kön üzägenä quyılmadı”.

Franśiyädä, Konstituśiyä buyınça, ilbaşı wazıyfasınnan kitsä, anıñ urınına êşlären senat räise başqara başlıy. Bu oçraqta, Makron kitsä, waqıtlıça ilbaşı Jerar Larçer bulaçaq.

İl tarixında moña qadär ber ilbaşı da yañadan saylanu öçen wazıyfasınnan kitmäde.