Bel'giyädä "keşe üterüçe patşa"ğa qarşı köräş bara

Bel’giyä başqalası Brüssel’dä patşa Leopol’d 2nçeneñ tağın ber häykälenä zarar birdelär. AQŞta afroamerikalı Djordj Floyd poliśiyä zolımı arqasında ülgännän soñ bel’giyälelär kolonial’ patşanıñ simvollarına qarşı rizasızlıq kürsätä başladı.

Älege xökemdar 1865nçe yıldan başlap 1909nçı yılğa qadär Bel’giyäneñ başında tora. Anıñ ilne Kongonıñ çığanaqların qullanıp üsterüe häm millionnarça kongolınıñ ülemenä säbäpçe buluı bilgele.

Leopol’d 2nçeneñ Brüssel’dä Patşa sarayı yanındağı häykälenä “Üterüçe”, “Bu keşe 15 million keşene üterde” häm “Qara tänlelärneñ ğomere qıymmätle” dip yazdılar. Mêriyä êşçeläre häykälne çistartu êşçänlegen başladı.

Uzğan atnada Bel’giyäneñ Gent şähärendä Leopol’d 2nçeneñ byustın qızılğa buyadılar häm östenä “Sulış alıp bulmıy” dip yazdılar. Bu tını qısılıp ülgän afroamerikalı Djordj Floydnıñ süzläre ber uq waqıtta ireksezlänep ğomere özelgän millionlağan kongolını da simvollaştıra.

Uzğan atnada Antverpen şähärendä dä Leopol’d 2nçeneñ häykälenä ut törttelär. Kiçä anı urınınnan alğannar. Häykälne tözätep muzeyğa quyaçaqlar.

Bel’giyädä kolonial’ patşanıñ häykällären uramnardan alu öçen imza cıyu kampaniyäse bara.