Äle haman arta bara...

Dön’yada koronavirus  säbäple ğomere özelüçelärneñ sanı 413 meñ 700dän arttı. Yoqtıru oçraqları – 7 million 324 meñ 876, sawığuçılar sanı – 3 million 604 meñ 926.

AQŞta xäzergä qadär kizüdä 114 meñ 151 keşeneñ ğomere özelde. Kovid-19 diagnozı quyıluçılar – 2 million 45 meñ 715.

Braziliyädä koronavirus säbäple ülemnär 38 meñ 497gä citte. Yoqtıru oçraqları – 724 meñ.

Meksikada Kovid-19 xäzergä qadär 14 meñ 649 keşeneñ ğomeren özde.

Peruda virus säbäple 5 meñ 738 ülem oçrağı terkälde. Yoqtıruçılar – 203 meñ 700dän artıq.

Kizüneñ Awrupadağı märkäze Angliyada ülüçelär sanı soñğı 1 köndä 286ğa arttı häm tulayım 40 meñ 883 keşe täşkil itte. Milli statistika oyışması isä çınbarlıqtağı yuğaltularnıñ may axırında 50 meñnän artuın belderde. Yoqturı oçraqları isä soñğı täwlektä 1387gä kübäyde häm 289 meñ 140qa citte.

İtaliyada Kovid-19 säbäple ğomere özelüçelär ber köndä 79ğa arttı häm 34 meñ 43kä citte. Aktiv awıru oçraqları isä 1858 keşegä kimede häm 32 meñ 872 buldı. İl külämendä soñğı 24 säğat’tä 283 yoqtıru oçrağı terkälgän.

Franśiyädä kizü arqasında soñğı täwlektä 87 keşeneñ ğomere özelde. İldä tulayım yuğaltu – 29 meñ 296. Awıruçılarnıñ sanı isä 403kä arttı häm 191 meñ 996 buldı.

İspaniyädä sälamätlek saqlaw ministrlığı soñğı 2 köndä koronavirus säbäple ülem oçraqları turında kürsätkeçlärne äytmi. Ğomere özelüçelär sanı 27 meñ 136da qaldı. Yoqtıru oçraqları – 241 meñ 966.

Portugaliyädä Kovid-19dan soñğı täwlektä 7 keşe ülde. İldä tulayım yuğaltu – 1492. Yoqtıru oçraqlarına kilgändä, 421 yaña diagnoz quyıluçılarnı da kertep san 35 meñ 306ğa citte. Awıru oçraqları başqala Lissabon häm anıñ tiräsendä kübäyde.