Kovid-19 köz köne ük bulğanmı?
Ber tikşerenü Uxan' şähärendä köz köne ük xastaxanälärneñ tulıp taşuın kürsätä
1431849
Qıtaynıñ Kovid-19 kizüe täwge tapqır päyda bulğan Uxan’ şähärendä uzğan köz xastaxanälär tiräsendä ğadättän tış küp maşinalar cıyıluı bilgele buldı. Monı AQŞta uzdırılğan ber tikşerenü näticäsendä açıqladılar. Ul Garvard universitetınıñ mediśina fakul’tetı belgeçe Djon Brawnşteyn citäkçelegendä uzdırıldı. Tikşerenülärgä Boston universitetı häm Boston balalar xastaxanäse dä öleş kertte. Belgeçlär assızıqlağança, xastaxanälär yanında texnikanıñ ğadättän tış küp cıyıluı yuqqa ğına tügel. Bu Kovid-19nıñ dön’yağa iğ’lan itelgängä qadär bik küptännän barlığın kürsätergä mömkin.