AQŞta tağın ber afroamerikalı yalğış üterelde

AQŞnıñ N’yu-Yorktağı ber törmäsendä afroamerikalı mäxküm kamerasına äçe gaz sipterü näticäsendä ülde.

Federal’ törmälär idaräsennän yasalğan belderüdä 35 yäş’lek mäxküm Djamel Floydnıñ kamera êçendä barrikada yasawı häm işekneñ täräzäsen watu öçen metal äyber qullanuı äytelä. Ul cimerüçe xälgä kilä, üze häm tirädägelärgä zarar birü qurqınıçı yanıy. Şunnan soñ törmä xezmätkäre anı äçe gaz sipterep tuqtatırğa tırışa.

Gaz qullanğaç xäräkätsez qalğan Floydnı xastaxanägä iltälär, ul şunda can birä.

Waqıyğa belän bäyle tikşerü başlandı.

İldä Afrika çığışlı tağın beräwneñ iminlek xezmätkärläre tarafınnan köç qullanu näticäsendä ülüe bolay da AQŞnı biläp alğan rizasızlıqnıñ üsüenä säbäp buldı.