DEAŞtan çistartu bara
Terrorçılarğa qarşı “Ğıyraq qaharmannarı” xäräkäte başlandı
1427767
Ğıyraq xökümäte räise Mostafa äl-Kaziminıñ kürsätmäse belän Kärkükneñ kön’yaq-könbatışında terrorçı oyışma DEAŞqa qarşı operaśiyä başlandı.
Kazimineñ xärbi süzçese Yax’ya Räsül bu xaqta belderü yasadı. Ul operaśiyäneñ “Ğıyraq qaharmannarı” dip ataluın da äytte.
Räsül beldergänçä, operaśiyä 5 ayırım yünäleştä bara. Ul töbäkne DEAŞ qaldıqlarınnan çistartıp, cirlektä totrıqlılıq häm iminlekne täêmin itü maqsatı quya.
DEAŞ terrorçıları Kärkük tiräsendä xärbi berleklärgä qarşı qayçaq höcümnär oyıştırğalıy.
