Liviyädä toraq yortlarğa raketa töşte

Liviyädäge qanunsız qorallı köçlärneñ liderı Xalifä Xafter suğışçıları başqala Tripoliğa raketalı höcüm yasadı. Bu xaqta ilneñ sälamätlek saqlaw ministrlığı wäkile Ämin äl-Xaşimi belderde. Ul raketalarnıñ başqaladağı toraq yortlarğa kilep töşüen häm anda 5 keşeneñ ülüen äytte. Yaralılar sanı turında mäğ’lümat birelmäde.  

Xafter suğışçıları ğıynvar ayınnan birle, bigräk tä, başqala Tripoli tiräsendäge toraq punktlarğa yözlärçä raketa cibärde. Anda distälärçä keşeneñ ğomere özelde, aralarında balalar da bar. Monnan tış, yözlärçä keşe yaralandı häm ğomerlek ğarip qaldı.