40 konteyner su töbenä kitte

Qıtaydan Avstraliyägä baruçı yök korabındağı 40 konteyner su töbenä kitte. Bu waqıyğanıñ küreneşlären Avstraliyä diñgez qurqınıçsızlığı idaräse urtaqlaştı.

Singapur bayrağın yörtüçe korab Qıtaynıñ Ningbo şähärendäge porttan quzğala. Ul Avstraliyäneñ Mel’burn şähärenä taba yul tota. Ämma Sidney sulıqlarında korabnı zur dulqınnar awır xälgä quya. Bik qatı çayqaluçı köymädän ällä-niçä tonnalı 40 konteyner suğa kilep töşä, tağın 73e zarar kürä.  

Avstraliyä diñgez qurqınıçsızlığı idaräse urtaqlaşqan räsemnärdä korabtağı yänçelgän konteynerlarnı kürergä mömkin.