Koronavirus külägäsendä bäyräm

Dön’yadağı iñ küp möselman yäşi torğan İndoneziyädä Ramazan bäyrämen koronavirus çaraları külägäsendä qarşıladılar. Yoqtıru oçraqları küp bulğan cirleklärdä ğayet namazın öylärdä qıldılar.

Malayziyädä mäçetlärdä bäyräm namazın ğıybadätxanä xezmätkärläre belän çikle sanda cämäğat’ kenä qıldı.

Paqıstanda Kovid-19 kizüenä qarşı çaralar säbäple ozaq waqıt xalıq mäçetlärgä bara almağan ide. Ğayet namazı öçen ilneñ simvolı – başqala İslamabadtağı Faysal cämiğ’ mäçetenä ağıldılar.   

Äfğanstanda da xalıq, kizügä qaramastan, Ramazan ğayete namazın qılu öçen mäçetlärgä tuldı.

Tön’yaq Kipr törek cömhüriyätendä ğayet namazı, Kovid-19ğa qarşı çaralar qısasında, sośial ara qaldırıp qılındı.

Gruziyädä ğadättän tış xäl häm uramğa çığunı tıyu beterelde. Başqala Tbilisidä möselmannar ğayet namazın şähärneñ Comğa mäçetendä qıldı.

Ğıyraqnıñ Kärkük şähärendä yäşäwçe möselmannar kizü arqasında mäçetlärgä qabul itelmäwläre öçen Ramazan bäyräme namazın qalanıñ Tokatlı ğıybadätxanäse qarşında qıldı.

Şveśiyäneñ başqalası Stokgol’mda ğayet namazı öçen futbol stadionı saylandı.

Könbatış Trak’yada yäşäwçe töreklär bäyräm tañında kizügä qarşı çaralar nigezendä xäzerlängän qayber mäçetlärgä bardı.

Balkan illäre Bosniya-Gerśegovina, Serbiya, Qarataw, Xorvatiya, Tön’yaq Makedoniya häm Albaniyada yäşäwçe möselmannar Ramazan bäyräme namazı öçen, Kovid-19 qağıydälären saqlap, mäçetlärgä bardı.

Kosovada isä koronavirusnıñ taraluına yul quymaw maqsatı belän ilneñ İslam berlege qararı nigezendä bäyräm namazın qılmadılar.

Qazaqstanda möselmannar Ramazan ğayete namazın öylärendä qıldı.