2 könlek bäbäy koronavirustan ülde
Könçığış illärendä koronavirus belän bäyle soñğı sannar häm waqıyğalar
Dön’yada koronavirus arqasında ğomere özelüçelär sanı 334 meñ 689ğa citte. Yoqtıru oçraqları – 5 million 198 meñ 307, sawığuçılar isä 2 million 83 meñ 318dän arttı.
Qıtayda kizüdä 4 meñ 634 keşe ülde. Sonğı täwlektä 4 koronavirus yoqtıru oçrağı açıqlandı. Şulay itep, ildä tulayım älege diagnoz quyıluçılar sanı 82 meñ 971 buldı.
Kön’yaq Koreyada soñğı täwlektä 20 yaña koronavirus oçrağı terkälde. Kizü başınnan birle älege çirne 11 meñ 142 keşe yoqtırdı.
Kön’yaq Afrika cömhüriyätendä koronavirus yoqtırğan 2 könlek bäbäyneñ ğomere özelde. Bu Kovid-19 säbäple in keçkenä yäş’tä ülem bularaq terkälde. İldä kizü barlığı 339 keşene alıp kitte. Yoqtıru oçraqları 18 meñnän artıq.
Sudanda Kovid-19 säbäple ğomere özelüçelär sanı 10 keşegä arttı häm 121gä citte. İldä yoqtıru oçraqları – 3 meñ 138.
Yämändä Kovid-19dan ülemnärneñ 33kä, yoqtıru oçraqlarınıñ 197gä citüe açıqlandı.
Afrikada tulayım koronavirus säbäple ğomere özelüçelär sanı 3 meñ 31gä, yoqtıruçılar – 96 meñ 829ğa citte.
Başqa qayber illärdäge ğomere özelüçelär sanı:
İran – 7 meñ 249
Hindstan – 3 meñ 585
Rusiyä – 3 meñ 99
İndoneziya – 1278
Paqıstan – 1067
Bangladeş – 408
Soğud Ğaräbstanı – 351
Berläşkän Ğaräp Ämirlekläre – 237
Singapur – 23
Katar - 17
Bäyläneşle xäbärlär
İke zuq qara tişekneñ berläşüe açıqlandı
Alarnıñ berse Qoyaştan 50 million tapqır zur, ikençese dä aña yaqın zurlıqta