Maqtalğan testlar yalğış kürsätä torğan bulıp çıqtı

AQŞta Aq Yortta qullanılğan Kovid-19 testınıñ bik küp sanda pozitiv oçraqlarnı açıqlıy almawı bilgele buldı.

“Washington Post”nıñ xäbärenä qarağanda, Abbott laboratoriyäsendä yasalğan häm ilbaşı Donal’d Tramp tarafınnan bik maqtalğan testlar uñışsızlıqqa oçradı. Alar başqa firmanıñ testı açıqlağan pozitiv oçraqlarnıñ öçtän beren yalğış kürsätte. Bu – analiz tayaqçıqları sıyıqça êçendä äyländerep yasalğanda. Ä menä N’yu-York universitetı uzdırğan tikşerenüdä ike şirkätneñ dä testları qorı tayaqçıq belän yasala. Anda Abbottnıñ “küzdän ıçqıçdıru däräcäse” 48%qa citä.

Keşeneñ Kovid-19 yoqtıruın 3tän 15 minutqa  qadär waqıt êçendä açıqlarğa tiyeşle test mart ayı axırında AQŞ azıq-tölek häm darularnı kontrol’dä totu idaräse tarafınnan aşığıç räweştä uñaylandı.

Aq Yorttan bu mäs’älä belän bäyle belderü yasalmadı.