Koronavirus VİÇ şikelle bulırğa mömkin

Bötendön’yä sälamätlek saqlaw oyışması Kovid-19 turında kisätü yasadı

1417110
Koronavirus VİÇ şikelle bulırğa mömkin

Bötendön’yä sälamätlek saqlaw oyışması Kovid-19nıñ näq’ menä VİÇ (yoqtırılğan immun citeşmäw sindromı) şikelle organizmda qaluçı bula aluı turında kisätte. Bu xaqta BSOnıñ ğadättän tış xällär programması mödire Mayk Rayan söyläde. Ul  Bötendön’yä sälamätlek saqlaw oyışması ğomum mödire Tedros Adxanom Gebreyesus oyıştırğan onlayn matbuğat cıyılışında sorawlarğa cawap birde.

Rayan bik küp ildä ğadäti tormışqa kire qaytu öçen çaralarnıñ yomşartıluın häm monıñ belän bergä kizüne kontrol’ astına alu öçen bik ozın yul ütärgä turı kiläçägen äytte. “Bez barıbız yaña kizü dulqını açıqlanğançı izolyaśiyä yomşatılğan oçraqta xalıq sälamätlege häm iq’tisadi afätlärneñ çığıp bulmas äyläneşenä kerüdän qurqabız,”-di ul.  

Kovid-19 vakśinası yasaw turındağı sorawğa Rayan bolay dip cawap birde: “Şunı urtağa açıp salırğa telim. Bu virus cämğıyät’tä êndemik bulıp qalırğa mömkin. Bu virusnıñ berqayçan da kitmäwe bar”.

Ul VİÇnıñ da betmäwe häm anıñ şartlarına iyäläşüne dä äytte. BSO wäkilläre “VİÇne awızlıqlaw häm kisätü çaraları bar, şuña kürä keşelär, tulayım alğanda, êlekkege şikelle annan qurıqmıy” digän fikerdä.



Bäyläneşle xäbärlär