Turistlar öçen yabıq

Berläşkän Millätlär oyışması dön’yadağı yünäleşlärneñ 72%ınıñ xalıqara turizm öçen yabıq buluın belderde. Koronavirus kizüe arqasında 217 ildä säyäxät çikläwläre däwam itä. Alarnıñ 156sında (72%ı) isä çiklär xalıqara turizm öçen tulısınça yabıq.

BMOnıñ Bötendön’ya turizm oyışması Kovid-19nıñ tarmaqqa täêsire turında tikşerü uzdırdı. Annan kürengänçä, yünäleşlärneñ 75%ında soñğı 3 ayda, 25%ında isä sonğı 2 ayda säyäxät çikläwläre ğamäldä.

Älegä qadär hiçbere bu çikläwlärne betermägän. Älege mäs’älä buyınça xalıqara söyläşülär bara.

Bötendön’ya turizm oyışması uzğan atnalarda yasağan belderüendä kizü arqasında 2020nçe yılda dön’yada turist sanınıñ, annan aldağı yıl belän çağıştırğanda, yaqınça 80%qa az bulaçağın farazlağan ide.