Rusiyä AQŞtan soñ ikençe

Dön’yada koronavirus säbäple ülemnärneñ sanı 287 meñnän arttı, yoqtıru oçraqları 4 million 270 meñ 700dän kübräk. Sawığuçılar sanı isä 1 million 534 meñne uzdı.

Rusiyädä älegä qadär Kovid-19dan 2 meñ 116 keşeneñ ğomere özelde. Yoqtıru oçraqları - 232 meñ 243. Rusiyä, şulay itep, AQŞtan son kizü iñ nıq taralğan ikençe däwlät buldı. İlbaşı Vladimir Putin koronavirus kizüe belän köräş qısalarında xezmätkärlärgä birelgän administrativ yallarnıñ 12nçe maydan tögällänüen citkerde. Ul Kovid-19 pandemiyäseneñ xalıqnıñ keremnäre häm ğomumi iq’tisadıy xälgä naçar täêsir itüen äytte. “Watandaşlar häm iq’tisadqa teräk bulaçaq yaña yärdäm paketı xäzerlädek,”-dip belderde Putin.  

Katarda älegä qadär Kovid-19 säbäple 14 keşe ülde. Katar hawa yulları, koronavirus belän köräş qısalarında, dön’yadağı mediśina xezmätkärlärenä buşlay 100 meñ oçqıç biletı biräçägen belderde. Älege biletlarnı 12nçe maydan başlap 18nçe mayğa qadär internet aşa alırğa bula.

İzraildä Kovid-19 säbäple ğomere özelüçelärneñ sanı 258gä, yoqtıru oçraqları 16 meñ 507gä citte.

Yämändä koronavirus 8 keşeneñ ğomeren özde. İlneñ kön’yağındağı waqıtlıça başqala Adennı xökümät Kovid-19 häm başqa yoğışlı awırular säbäple “kizü cirlege” dip iğ’lan itte.

Tön’yaq Kipr törek cömhüriyätendä däwalaw prośessı tögällängän 83 yäş’lek Kovid-19 belän awırğan sonğı keşe dä sawığıp çıqtı. İldä şulay itep koronaviruslı keşe qalmadı.  

Başqa däwlätlärdä ülü oçraqları bolayraq:

İran – 6685,

Qıtay – 4633,

Hindstan – 2294,

İndoneziya – 991,

Paqıstan – 706,

Yaponiya – 633,

Ukraina – 425,

Kön’yaq Koreya – 258,

Soğud Ğaräbstanı – 255,

Bangladeş – 239,

Kön’yaq Afrika cömhüriyäte – 206,

Berläşkän Ğaräp Ämirlekläre – 201,

Belarus’ – 135,

Singapur – 21.