Sintetik gazdan 8 keşe ülde

Hindstannıñ Andra Pradeş töbägendäge Visaxapatam şähärendä ber sänäğat’ob’yektında ximik gaz sarquı ükeneçle näticälärgä kiterde.

Cirle matbuğattağı xäbärlärgä qarağanda, LG Polymers şirkäteneñ älege ob’yektı koronavirus kizüe arqasında yabılğan bulğan häm qabat açılırğa äzerlängän. İrtänge säğat’lärdä anda sintetik stirol gazı sarqa başlıy. Şunnan soñ yaqındağı 3 çaqrımlıq mäydan êçendä yäşäwçe bik küp keşe sulış alu awırlaşu, küz äçetü häm başqa şikayät’lär belän xastaxanälärgä barırğa çığa. Kübese yulda añın cuyıp yığıla. Yaqınça 200 keşene aşığıç yärdäm maşinası belän xastaxanälärgä iltälär. Sänäğat’ ob’yektı yanında yäşäwçelär êvakuaśiyälänä.

Sintetik gaznıñ sarquı 8 keşeneñ ülemenä kiterä. Alarnıñ 1se bala. Meñnän artıq keşe xastalana.  

Xökümät räise Narendra Modi sośial’ media aşa belderü yasap waqıyğanı küzätep baruların assızıladı. Ul gazdan zarar kürüçelär öçen doğada buluın belderde.