Könçığışta koronavirus

Kovid-19 kizüe bar dön’yada 165902 artıq can aldı. Viruslılar sanı 2 million 421 meñnän arttı. Sawığuçılar – 635700dän artıq.

İranda Kovid-19 arqasında ülüçelär sanı soñğı täwlektä 91gä artıp 5209ğa citte.

Koronavirustan 405 keşe ülgän, 47121 keşe çirlägän Rusiyädä däwlät başlığı Vladimir Putin başqala Mäskäw belän ber rättän kizüneñ haman däwam itüen belderde. Putin kizüdä plato isemle barışnıñ qısqa totıluı öçen härnärsäneñ yasaluın soradı.

Ğıyraqta virus arqasında 17 marttan bügengä qadär säwdä häm êşçänlek ölkälärenä kertelgän çikläwlär azaytıldı. Uramğa çığu tıyuınnan tışqı waqıtlarda êş urınnarı, êşxanälär häm atel’yelarnıñ açıluına röxsät birelde.  Ramazan ayında iğlan iteläçäk uramğa çığu tıyuı da ciñeläytelde. İldä 82 keşeneñ virustan ğomere özelde, virus oçrağı 1539ğa citte.

1119 keşe yaqtı dön’yadan kitkän Afrika qıytasında soñğı täwlektä yaqınça 1200 yaña oçraq kürelde, virus yoqqan keşe sanı 22275 buldı. Sawığuçılar – 5489.