Könbatışta koronavirus näticäläre
Dön’ya külämendä yaña tör koronavirus (Kovid-19) arqasında ülüçelärneñ sanı 161 meñgä, virus yoqtıru oçrağı 2 million 345 meñgä citte. Sawığuçılarnıñ sanı 604 meñnän arttı
Kizüneñ üzägenä äylängän Amerika Quşma Ştatlarınıñ Tennessee häm Teksas ştatlarında ülem cäzasına tartılğan totqınnarnıñ xökemnäre yaña tör koronavirus kizüe arqasında kiçekterelde. Çittän kiläçäk şahitlärneñ törmägä virusnı alıp kilü qurqınıçı turında äytelgännän soñ Tennesseedä ber, Teksasta da 5 keşeneñ ülem xökemeneñ başqarıluı başqa waqıtqa küçerelde.
İtaliyada “Kovid-19”dan ğomere özelüçelärneñ sanı ber köndä 482gä artıp, 23 meñ 227gä citte.
20 meñ 43 keşe kizü arqasında häläq’ bulğan İspaniyada Baş ministr Pedro Sançez 14nçe marttan birle ğamäldä bulğan ğadättän tış xälneñ qısası kimetelep 9nçı mayğa qadär ozınaytılaçağın belderde.
Franśiyada “Kovid-19” kizüennän ülüçelärneñ sanı soñğı täwlektä 642gä artıp 19 meñ 323gä citte. 5 meñ 833e reanimaśiyädä buluı belän bergä 30 meñ 639 keşe däwalanğan ildä xastalıqnı ciñüçelärneñ sanı isä ber köndä ber meñ 563kä artıp 35 meñ 983kä citte.
