Kizü cäyelä bara

Bar dön’yanı teträtüçe Kovid-19 kizüennän 120 meñnäñ artıq keşeneñ ğomere özelde. Viruslılar sanı 1 million 926 meñnän arttı.

Qıtayda soñğı täwlektä 89 yaña oçraq kürelde. İldä koronavirusnı barlığı 82249 keşe yoqtırdı.

İranda virustan ülüçelär sanı 4683kä, viruslılar sanı 73303kä citte. Başqala Tähranda virusnıñ cäyelüen buldırmaw maqsatı belän maşina urınına velosiped qullanırğa çaqırdılar.

Rusiyädä ülüçelär sanı 170kä, virus oçrağı 21102gä citte.

Belarus däwlät başlığı Aleksandr Lukaşenko ilendä Kovid-19dan ülüçeneñ bulmawın belderde. Sälamätlek saqlaw ministrlığı isä ildä virustan ülüçelär sanınıñ 29ğa citüen açıqladı. Ministrlıkka kürä Belarusta 3 meñ tiräse oçraq ta bar.

Qazaqstanda qurqınıç virus 14 can aldı, 1179 keşe virusnı yoqtırdı, 138 keşe sawıqtı. Sawığuçılar arasında 82 yäş’lek xatın-qız da bar.

Ukrainada 98, Moldovada 36, Qırğızsatnda 5, Ärmänstanda 16, Üzbäkstanda 4, Gruziyada 3, İzraildä 115, Misırda 159, Baxreynda 7, Omanda 4, Hindıstanda 358, Singapurda 9, İndoneziyada 399 keşe koronavirustan yaqtı dön’yadan kitte.