Djonson räxmät belderde

Angliya prem’yer-ministrı Boris Djonson koronavirus belän köräşkän xastaxanädä wazıyfa başqaruçı sälamätlek saqlaw xezmätkärlärenä räxmäten belderde.

Xastaxanädän çıqqan Djonson soŝial’ media xisabında video urnaştırdı.

“Bügen däwalanıp çıqtım, Milli sälamätlek saqlaw xezmätläre mine ülemnän qotqardı. Burıçımnı tüli almam,” – dip yazdı ul.

Boris Djonson Londondağı St. Thomas xezmätkärlärenä isemnären äytep räxmäten belderde.

İngliz prem’yer-ministrınıñ 27 mart könne Kovid-19 testı pozitif çıqqan ide, 5 aprel’dä ul xastaxanägä salındı, ikençe könne reanimaŝiyağa yattı.