87 meñnän arttı...

Koronavirusqa bäyle ülemnär sanı dön’ya külämendä 87 meñnän arttı. Yoqtıru oçraqları  -1 million 521, däwalanıp çığuçılar – 330 meñnän kübräk.

İtaliyädä ülem kürsätkeçläre berniçä kön töşüen däwam itä. Soñğı täwlektä ğomere özelüçe 542 keşene östägäç bu kizüdä tulayım ülüçe sanı ildä 17 meñ 669 buldı. Kovid-19 diagnozı 139 meñ 422 keşegä quyıldı. Cirle matbuğatta çıqqan xäbärlärgä qarağanda, xökümät 13nçe aprel’dän soñ fabrikalar häm qayber kibetlärneñ êtaplap açıluına yul quyaçaq. Portlar koronavirus arqasında kertelgän ğadättän tış xäl tögällängängä qadär yabulı toraçaq.  

İspaniyädä ütkän täwlektä Kovid-19dan 683 keşe ülde. Tulayım ğomere özelüçelär 15 meñ 238gä citte.

Franśiyädä kizüdä ütkän täwlektä 541 keşe ülde. Şulay itep, ğomere özelüçelär sanı 10 meñ 869ğa citte. Yoqtıru oçraqları 3 meñ 881gä arttı häm barlığı 112 meñ 950 keşe täşkil itte. Kizü arqasında êşsez qaluçılarnıñ sanı 6,3 million.  

Angliyädä koronavirus 7097 keşeneñ ğomeren alıp kitte. Anda uzğan täwlektä ber köndäge iñ zur ülem kürsätkeçe terkälde – 938 keşe. Kovid-19 diagnozı quyıluçılar - 60 meñ 733.

Şveśiyädä Kovid-19 säbäple 687 keşe ülde. Virus yörtüçelär – 8 meñ 419.

Serbiyädä ilbaşı Aleksand Vuçiçnıñ ulına Kovid-19 diagnozı quyıldı. Alege ildä koronavirus arqasında 65 keşeneñ ğomere özelde, yoqtıru oçraqları – 2 meñ 666.

AQŞta Kovid-19 barlığı14 meñ 797 keşeneñ ğomeren alıp kitte. 435 meñ 160 keşegä älege diagnoz quyıldı.