Çernobıl'dä urman yanğını

Sovyetlar Berlege çorında 1986 yılnıñ 26 aprel’ könne Ukrainadağı Çernobıl’ şähärendä urnaşqan atom-töş stanŝiyada barlıqqa kilgän şartlawnıñ bar dön’yada täêsirlären haman da kürep bula.

Radiaŝiya arqasında kerep bulmağan töbäktä 2 kön êlek urman yanğını başlandı.

Ukrainanıñ Ğadättän tış xällär ministrlığına bäyle törkemnär yanğınnı sünderü öçen êşkä kereşte. Ministrlık açıqlawında AN-32P oçqıçı häm Mİ-8 boralağı belän ber rättän 80 yanğın sünderü maşinası häm 140 personal xäzergä qadär 140 tonnan su qullandı.

Yanğın arqasında töbäktä xäzergä qadär 20 gektarlık urman mäydanı kölgä äylände.

Çernobıl’dä radiaŝiya däräcäse normal’dän bik yuğarı.

Yanğın arqasında bu däräcäneñ tağın da artuı citkerelde. Belgeçlär Çernobıl’dä radiaŝiyaneñ normal’dän 16 yarım tapqırğa küp buluın belderä.