BMOnıň koronavirus belӓn körӓş qararı

Berlӓşkӓn Millӓtlӓr Oyışması ğomum şurası koronavirus kizüenӓ qarşı global’ telӓktӓşlek hӓm xalıqara xezmӓttӓşlekne arttırırğa çaqıruçı qararnı bertawıştan qabul itte.

Ӓlege qararğa 188 il iğanӓçe buldı.

Qarar koronavirus kizüe belӓn bӓyle tӓwge BMO qararı bulu üzençӓlegenӓ iyӓ.

Kovid 19 arqasında cıyıla almağan ğomum şurada tawışqa quyu yaňa qağıydӓlӓr qısasında uzdı.

Proyekt tӓq’dim itelgӓnnӓn soň kiçӓ cirle waqıt belӓn 18 sӓğӓt’kӓ qadӓr illӓrgӓ rizasızlıq belderü xoquqı birelde.

Ӓlege waqıt betkӓnnӓn soň bernindi qarşı töşü bulmağaç qarar bertawıştan qabul itelde hӓm ğamӓlgӓ kerde.

Qararda fӓqir’ hӓm kizüdӓn zur zıyan kürgӓn illӓrgӓ yӓrdӓm itü kirӓklegenӓ basım yasaldı.

BMO qararında koronavirus belӓn körӓştӓ ayırıp qaraw, rasaçılıq hӓm çit il keşesenӓ qarata doşmanlıqqa qarşı çığu hӓm keşe xoquqlarına xörmӓt kürsӓtü kirӓklegenӓ dӓ basım yasaldı.