12 meñ keşe Ayğa oçarğa teläk belderde

NASAnıñ 2024nçe yılğa qadär tormışqa aşırılırğa tiyeşle Ayğa oçış proyektı “Artemis”ta qatnaşırğa 12 meñnän artıq keşe teläk beldergän.

Bu xaqtağı belderüdä agentlıqnıñ idaräçese Djim Bridenstaynnıñ süzlärenä urın birelgän. Ul bolay di: “Artemis programması belän yaña ğaläm tikşerenü çorına kerdek. Amerikalılarnıñ bezgä quşılu öçen teläk belderülären kürü bezne söyenderä”.

“Artemis” programmasında qatnaşu öçen ğarizalar qabul itü 2nçe martta başlandı häm 31endä tögällände.

Yaña astronavt namzätläre 2021nçe yılnıñ cäy aylarında bilgele bulır dip kötelä.

NASA 1960nçı yıldan birle astronavt bularaq öyrätü öçen 350 keşene saylap aldı.