Rusiyädä bitlek citeşterü 8 tapqırğa arta

Turktatar.com beldergänçä Rusiyädä aprel’dän başlap medikal’ bitlek citeşterü 8 tapqırğa artaçaq.

Rusiyädä koronavirusqa qarşı köräş öçen zarur bulğan medikal’ kiräk-yaraq citeşterüe artaçaq.

Aprel’ urtalarına taba bitlek citeşterü könenä 600 meñnän 5 millionğa çığaçaq.

Bu xaqta Rusiyäneñ Sänägät’ häm säwdä ministrı Denis Manturov däwlät başlığı Vladimr Putin belän ütkärgän söyläşüdä xäbär itte.

Manturov süzlärenä qarağanda ildä medikal’ bitlek citeşterü êşe belän 18 êşxanä şöğıllänä häm alarnıñ könlek citeşterü küläme isä 600 meñ bitlek. Sälamätlek saqlaw sisteması, daruxanä çılbırları häm xätta çit illärgä satu öçen bu citärle miqdar ide, läkin ber ay êlek barlıq êşxanälär kön-tön êşli başladı häm könlek citeşterü küläme 1 million 600 meñ bitlekkä çığarıldı. Bitlekne çit ilgä satu da 2 marttan başlap tıyıldı.

Monnan tış virusnıñ cäyelüenä qarşı köräş öçen qalğan zaruri medikal’ kiräk-yaraq citeşterüdä dä artış küzätelä.