34 meñnän artıq keşe ülde

Kovid-19dan dön’yada 34 meñnän artıq keşeneñ ğomere özelde, viruslılar sanı 735 meñnän arttı.

İtaliyada ülüçelär sanı soñğı täwlektä 756ğa artıp, 10779ğa citte. Jeneva şähärendä qurqınıç virusnı ciñä alğan 102 yäşendäge İtalika Grondona räsmi zatlar äytkänçä ömetneñ simvolına äylände.

İspaniyada isä ülüçelär sanı soñğı täwlektä 812gä artıp, 7340 buldı.

Franŝiyada yaqtı dön’yadan kitüçelär sanı 292gä artıp, 2606ğa çıqtı.

Şul arada Mulxaus şähärendäge Yevangelik çirkäwendä fevral’ ayında uzğan dini cıyınnarda qatnaşqan meñ keşedä koronavirus tabıldı. Bu keşelärneñ virusnı törle şähärlärgä alıp baruı, cıyında qatnaşqan ber şäfqat’ tutaşınıñ virusnı 250 sälamätlek saqlaw personalına yoqtıruı belderelde. Matbuğat Êmmanuêl’ Makronnıñ da cıyınnar uzğan waqıtta Mulxauska baruın yazdı.

Ber köndä ülüçelär sanı 209ğa artıp, 1228gä citkän Angliyada virusnı yoqtıruçılar sanı da 2433kä artıp, 17 meñ 89ğa çıqtı. Milli sälamätlek saqlaw mödire yärdämçese Dr. Djenni Xêrries ülemnärneñ ayıruça kiläse 2 atnada artaçağın kisätep, çaralar däwam itkän oçraqta soñınnan azayaçağın açıqladı.

513 keşe ülgän Bel’giyada da viruslı keşe sanı 11 meñ 899ğa citte.

Amerika Quşma Ştatlarında isä ülüçelär sanı 2509 buldı. N’yu-Yorkta ber köndä 7195 oçraq belän viruslılar sanı 60 meñgä citte. İldä wazıyfa başqaruçı iminlek berämlekläreneñ dä kizüdän citdi täweştä täêsirlänüe belderelde.

Bügengä qadär 690 poliŝiya xezmätkärenä Kovid-19 diagnozı quyıldı. Xastaxanägä salınğan poliŝiya xezmätkärlärennän 2ese yaqtı dön’yadan kitkän ide.

18 keşeneñ ğomere özelgän Awstraliyada isä koronavirusnı yoqtırğan keşe sanı 4203 bularaq bilgelände.