Kovid-19 dön'yanı teträtä

Ülüçelär sanı 2 meñgä yaqınlaşqan İranda 6 yäş’lek ber balanıñ da yaqtı dön’yadan kitüe dön’yanı teträtte. Ülüçelär arasında ber iminlek mödire dä bar.

Ğiraqta Kovid-19 kizüennän 27 keşeneñ ğomere özelde. 316 keşe awırğan ildä 75 keşeneñ sawığuı açıqlandı.

1 keşe ülgän Ğazzädä barlıq mäçetlär 2 atnağa yabıldı.

İzraildä virus 5 keşeneñ canın aldı, 2 meñnän artıq keşe Kovid-19nı yoqtırdı.

Berläşkän Ğaräp Ämirleklärendä awıru sanı 248gä citte. 45 keşe sawıqtı.

Qatarda virus 526 keşegä yoqtı.

Yordaniya sälamätlek saqlaw ministrlığı ildä virus oçrağınıñ 153kä çığuın açıqladı.

Virustan ülüçelär sanın 19, xasta sanın 402 bularaq açıqlağan Misır citäkçelege cirle sägät’ belän 19.00 – 06.00 arasında uramğa çığunıñ öleşçä tıyılaçağın belderde.

Marokkoda xätär virustan 5 keşe yaqtı dön’ya belän sawbullaştı, çirläwçelär sanı 170kä citte.

Hindıstanda Kovid-19 kizüeneñ cäyelen buldırmaw maqsatı belän xalıqnıñ 21 kön buyı öylärennän çığuları tıyıldı.

Nigeriya kizü belän köräş qısalarında barlıq ciröste çik buyların 4 atnağa yaptı.