“Millionlağan keşe ülergä mömkin”

BMO “millionlağan keşe ülergä mömkin” dip kisätte. Oyışmanıñ ğomum särqatibe Antonio Guterriş bolay dide: “Virusnıñ, ayıruça, dön’yanıñ iñ yaqlawçısız cirleklärendä urman yanğını şikelle taraluına yul quysaq - millionlağan keşe üläçäk”. Ul videokonferenśiyä räweşendä oyıştırılğan matbuğat cıyılışında böten dön’yanı täêsire astına alğan Kovid-19 kizüe belän bäyle belderülär yasadı.

Guterriş koronavirusnıñ barı tik keşelärgä genä tügel, dön’yaküläm iq’tisadqa da zarar birüen assızıqladı. Xalıqara xezmät oyışması, kizü säbäple, dön’ya külämendä êşläwçelärneñ 3,4 trillion dollar keremnären yuğaltaçağın belderde.

Guterriş däwlät däräcäsendä qabul itelgän çaralarnıñ global’ kiñlektä baruçı krizis öçen citärlek bulmawın äytte. Ul G20 illären kizügä qarşı köräştä koordinaśiyäle, nıqlı räweştä yaña adımnar yasarğa häm üsep kilüçe illärgä yärdäm itärgä çaqırdı.

“İñ fäqıyr’ häm yaqlawçısız däwlätlärgä iñ zur zıyan kiläçäk. Urtaq doşmanıbız bar häm ber virus belän suğışabız,”-dide BMO ğomum särqatibe.