Könçığışta Kovid -19 kizüe

Kovid -19 dönya buylap taraluın dӓwam itterӓ.

Yaňa tördӓge koronavirus İranda 988 keşene yaqtı dönyadan alıp kitkӓn.

Azӓrbaycanda anı yoqtıruçılar sanı 34 kӓ citkӓn. İldӓ mӓçetlӓr waqıtlıça yabılğan.

133 koronavirus oçrağı terkӓlgӓn Soğud Ğarӓbstanında saqlıq çaraları qısasında Qӓğ’bӓ hӓm Mӓscidӓn -Nӓbӓvidӓn tış mӓçetlӓrdӓ cӓmӓğӓt’ belӓn namaz uqılmıy.

İndoneziya sӓlamӓtlek saqlaw ministrlığı ildӓge koronovirus oçrağınıň 227 gӓ citüen beldergӓn.

Xӓtӓr virustan 3 keşeneň ğomere özelgӓn Hindıstanda anıň belӓn 126 keşe çirli.

Qırğızstandӓ tӓwge koronavirus oçrağı terkӓlgӓn.

Avstraliya prem’yer-ministr Skot Morrisonı Kovid -19 belӓn körӓş qısasında çit illӓrgӓ sӓyӓxӓtlӓrneň tıyıluın beldergӓn.

Qıtayda tӓwge tapqır ike kön barı tik berӓr genӓ koronavirus oçrağı terkӓlgӓn. İldӓ bügenge köngӓ qadӓr annan 3 meň 237 keşeneň ğomere özelgӓn ,anı yoqtıruçılr sanı 80 meň 894, ӓlege keşelӓrdӓn 69 meň 614 e sawığıp xastaxanӓdӓn çıqqan.

İzraildӓ qurqınıç virusnı 337 keşe yoqtırğan. İlneň êçke êşlӓr ministrı belӓn awıl xucalığı ministrı karantinda totıla.

Tunis ilbaşı Kays Said cirle waqıt belӓn 18 sӓğӓt’tӓn başlap irtӓnge 6 ğa qadӓr ildӓ uramğa çığunıň tıyılaçağın citkergӓn.

Rusiya Federaśiyӓśe prem’yer-ministr urınbasarı Tat’yana Golikova ildӓ koronavirus oçrağınıň 114 kӓ citüen açıqlağan.