Kovid -19 kizüe taraluın däwam itterä

Qıtayda Kovid -19 kizüendä ülüçelär sanı 3 meñ 193 kä citkän.

 Milli sälamätlek saqlaw komissiyäse beldergänçä, xätär virus soñğı täwlektä 13 keşene yaqtı dönyadan alıp kitkän.

İldä anı yoqtıruçılar sanı – 80 meñ 824, alardan 3 meñ 610ınıñ xälläre awır buluı belderelä.

 Bügenge köngä qadär 65 meñ 541 keşe däwalanıp xastaxanädän çıqqan.

İranda anıñ belän çirläwçelär sanı 11 meñne uzıp kitkän , ülüçelär sanı - 611.

Katarda 320 keşegä Kovid -19 diagnozı quyılğan.

Kuveytta 80 keşedä koronavirus tabılğan häm räsmi zatlar mäcbüri xällärdän tış uramğa çıqmasqa kiñäş kitkän.

Ğazzädä koronavirus belän çirläwçelär sanı 38.

Soğud Ğaräbstanı Kovid-19 kizüe arqasında 15 nçe marttan başlap iskärmä oçışlardan tış xalıqara yulçı oçqıç säfärlären 2 atnağa tuqtatqan.

Azärbaycanda 19,Gruziyada 30, Ärmänstanda 15, Qazaqstanda 6 koronavirus oçrağı buluı belderelä.

Sudanda da 1 keşeneñ koronavirustan ğomere özelgän.

Könbatış Afrika ile Mavritaniyada täwge koronavirus oçrağı terkälgän. Anıñ Awrupa ile watandaşı buluı belderelä.

Senegalda xätär virusnı yoqtıruçılar sanı ber köndä ike tapqırğa artıp 21 gä citkän.