Qıtay Amerikanı ğayepli
Qıtaylar Uxan' şähärenä koronavirusnı Amerika xärbiläre kiterde dip farazlıy
Qıtayda yaña tör koronavirustan ülüçelärneñ sanı 3 meñ 179ğa citte. İldä kizü üzeneñ iñ yuğarı çorın ütte. Sonğı 24 säğat’tä 7 keşe ülde, 8 yaña oçraq terkälde.
Qıtay tışqı êşlär ministrlığı wäkile Śao Liç’yen AQŞnı armiyäsen koronavirus kilep çıqqan Uxan’ şähärenä kiterüdä ğayepläde. “AQŞ bezgä açıqlaw yasarğa burıçlı,”-dide ul.
Śao üzeneñ Twitter säxifäsendä AQŞ awırularnı kontrol’ itü häm çikläw üzäge direktorı Robert Redfildnıñ süzlärenä urın birelgän video belän urtaqlaştı. Anda Amerika belgeçe monnan alda gripptan ülgän qayber AQŞ watandaşlarında Kovid-19 açıqlanuın söyli.
Qıtaylar AQŞta berençe awırunıñ qayçan kürenüen, kizüneñ niçä keşegä yoğuın häm qaysı xastaxanälärneñ qullanıluın belergä teli.
Qıtay tışqı êşlär ministrlığı wäkile Śao Liç’yen bolay di: “Kovid-19 kizüen Uxan’ğa kiterüçe AQŞ armiyäse bulırğa mömkin. Açıq bulığız. Mäğ’lümatlarığıznı xalıqqa citkeregez. AQŞ bezgä belderü yasarğa burıçlı”.
Bäyläneşle xäbärlär
Ğailädä köç qullanuçılar êläkterelde
Avstraliyä ğailädä köç qullanu oçraqları öçen êzläwdä bulğan 554 şöbhälene qulğa alalar
