Küktän sıyıq timer yawa

Qoyaş sisteması tışındağı WASP-76b êkzoplanetasında timerneñ êregän xäldä yañğır şikelle yawuı açıqlandı.

Bu açış Awrupa astronomik tikşerenülär oyışmasınıñ bik zur teleskobı belän küzätülär näticäsendä yasaldı.

WASP-76bda kön êçendä hawa cılılığı + 2400 gradustan artıp kitä. İspaniyäneñ Astrobiologiyä üzäge belgeçe Maria Rosa Zapatero Osorio bolay di: “Küzätülär timer parlarınıñ êkzoplanetanıñ köndez bulğan tarafında atmosferada zur miq’darda cıyıluın kürsätä. Älege timerneñ ber öleşe, planetanıñ äylänüe häm atmosfera cilläre arqasında, tön bulğan yaqqa küçä. Andağı bik suıq hawağa duçar bulğan timer sıyıq xälgä kilep yanğır şikelle yawa”.

WASP-76b êkzoplanetası Cirgä 640 yaqtılıq yılı yıraqlığında.