İñ keçkenä dinozavr fosile

 M’yanmada 99 million yıllıq gäräbäneñ êçendä moña qadär bilgele bulğan iñ keçkenä dinozavr qaldığı tabıldı. Xaywannıñ başı 14 millimetr zurlıqta. Dinozavrnıñ ülçämnäre bügenge iñ keçkenä qanatlı tör - kolibrinıqına oxşaş.

Yaña törneñ monnan alda barı tik kältälelärdä kürelgän küz söyäge tözeleşe ğalimnärne şaqqattırdı. Fosilneñ başı bik yaxşı xäldä. Anıñ yaqınça 100 teşe buluın da belderälär.

Qaldıqnı tikşerüçe törkemdä Qıtay fännär akademiyäse xezmätkäre, professor Djingmay O’Konnor da bar. Ul gäräbäneñ êçendä 99 million yıl bozılmıyça saqlanğan fosilneñ bügengä qadär üze oçratqan iñ ğacäyep ürnäk buluın äytte.