İtaliyädä kiçä koronavirustan iñ küp keşe ülgän kön buldı

İtaliyädä tağın 18 keşeneñ ğomere özelgännän soñ koronavirustan ülüçelär sanı 52gä citte. İldä berençe oçraq 21nçe fevral’dä terkälgän ide. Soñınnan ul zur tizlek belän taraldı. Kiçä iñ küp ülem oçrağı terkälgän kön buldı.

Grajdannar saqlanu idaräse başlığı Anjelo Borelli başqala Rimda köndälek brifingta çirne yoqtıruçılarnıñ 1835kä citüen belderde. Çirdän terelüçelär sanı isä - 149.

Franśiyädä êçke bazar öçen cawaplı Awrupa komissarı T’yerri Breton ber telekanalğa inter’vyusında bolay dide: “Koronavirus arqasında dön’ya iq’tisadında äkrenäyü bar. Awrupa Berlege däwlätläreneñ turizm tarmağındağı yuğaltuları ayda 1 million yevro”.

Germaniyägä kilgändä, anda Kovid-19 diagnozı quyılğan keşe sanı 157gä citte.