İtaliyädä Kovid-19dan ülüçelär arttı

İtaliyädä koronavirustan ülüçelär sanı 7gä citte. İlneñ ANSA agentlığınıñ xäbärenä qarağanda, iñ soñğı ülem oçrağı Lombardiyä töbägendä terkälgän. 62 yäşendäge dializ awıruı bulğan virusnı êläkterep keşe yaqtı dön’yadan kitä.

Ğomumän alğanda, ülüçelärneñ 6sı Lombardiyä, 1se Veneto töbägennän. İl külämendä virusnı yoqtıruçılar sanı 229ğa citte.  

İtaliyä xökümäte räise Djuzeppe Konti koronavirus belän bäyle wäzğıyät’ne küzätü öçen kiçä kiç ilneñ grajdanlı saqlanu ğomum mödirlegenä bardı häm annan belderü yasadı. “Böten närsägä ähämiyät biräbez, yuqsa bu qadär qatğıy çaralar kürmäs idek,”-dide ul.  

Konti virusnıñ taralışın farazlıy almawların belderä. Ul ber xastaxanäneñ kizügä bäyle täq’dim itelgän protokolnı ütämäwe näticäsendä awıru oçraqlarınıñ artuın söyläde.   

Şul uq waqıtta, Lombardiyä töbägennän yal öçen İspaniyäneñ Kanar utrawlarına kitkän ber tabibnıñ bu virusnı yörtüe açıqlandı. Anı xastaxanädä karantinğa yapqannar häm yaqın êlemtädä bulğan keşelärne êzlilär.