İñ qart ir-at ülde

Ginnesnıñ rekordlar kitabı tarafınnan dön’yadağı iñ qart ir-at dip sanaluçı 112 yäş’lek Çitêśu Vatanabê baqıylıqqa küçte. Ul 1907nçe yılda tuğan. 5nçe martta aña 113 yäş’ tulası ide.  Äle 12nçe fevral’dä genä Çitêśu Vatanabêğa Ginnes wäkile maxsus sertifikat tapşırdı.

Ber ğasırdan artıq yäşägän babay Yaponiyäneñ Niigata töbägendä qartlar yortında ğomer kiçerä ide.  

 Wäqalätlelär 23nçe fevral’ yäkşämbe könne Vatanabênıñ wafat buluın rasladı. Anıñ soñğı waqıtlarda aşamawın, ülärgä berniçä kön qalğaç temperaturası kütärelüen häm sulış aluda qıyınlıq çigüen belderälär.

Vatanabênıñ 5 balası, 12 onığı, 16 onıqçığı häm 1 onıqçıq balası bulğan. Ul üzeneñ ozaq yäşäweneñ seren sorawçılarğa: “Yarsımağız häm kölemserägez,”-dip cawap birä.