“Çit il imamnarı Franśiyägä kermäyäçäk”

Franśiyä êçke êşlär ministrı Kristof Kastaner çit ildän imamnarnı 2024nçe yıldan başlap kertmäyäçäklären äytte.  Ul “Frans İnter” radiosında könüzäk temalarğa belderülär yasadı.

“Çit il imamnarı 2024nçe yıldan başlap Franśiyägä kermäyäçäk,”-dide Kastaner. Bu mäs’älädä ul Törkiyä, Marokko häm Aljirğa mäğ’lümat cibärelüen dä äytep uzdı. Xäzerge waqıtta Franśiyädä älege illärdän 300 imam êşli.

Ministr, monnan tış, Ramazan ayında ilgä kilüçe imamnarnıñ sanın bıyıl kimetäçäklären dä citkerde.

Däwlät başlığı Êmmanuêl’ Makron monnan aldağı könne çit ildän kilüçe imamnar, Franśiyädä êşläwçe häm törekçäne dä kertep ana tele däresläre uqıtuçı möğallimnär, separatist islamçılar turında belderülär yasağan ide. Ul imamnarnıñ Franśiyädä citeşterelüen häm franśuzça belülären şart itep quya.