Namibiyada açlıq

Namibiyada yaqınça 350 meñ keşeneñ qorılıq arqasında açlıq qurqınıçı belän küzgä küz kilüe belderelde.

Namibiya prem’yer-ministrı Sarra Kuugongelva matbuğatqa yasağan açıqlawında törle töbäklärdä küzätelüçe qorılıqnıñ igen-basularğa zıyan saluın äytte.

Qorılıq arqasında 350 meñ keşegä açlıqnıñ yanawına iğtibarnı cälep itkän xökümät räise açlıq problemasınıñ çişelüe öçen xökümät belän BMO Azıq-tölek programmasınıñ urtaq êşçänlek başlatuın citkerde.

Prem’yer-ministr bu qısada dekabr’ ayınnan bügengä qadär Osxana töbägendä 12 meñ keşegä azıq-tölek yärdämeneñ kürsätelüen belderde.

Yaqınça 3 million keşe yäşägän Namibiyaneñ şaqtıy töbägendä qorılıqqa bäyle azıq-tölek häm su krizisı küzätelä.