"Bezgä kilgändä balanıñ yöräge tuqtağan ide"

Süriyädä Bäşşar Äsäd rejimı häm yärdämçeläreneñ höcümnäre arqasında Törkiyä çikläre yağına taba küçenergä mäcbür bulğan ğailäneñ bäbäye İman Äxmät Läylä sıyınu lagerendağı suıq hawa şartlarına tüzä almıyça ülde.

Süriyädäge amerikalı tabiblar cämğıyätennän belderülärençä, ata keşe keçkenä qızın qoçaqlap irtänge säğat’lärdä oyışmanıñ Arfin rayonındağı mediśina üzägenä kilgän. Ämma bala kilep citkänçe ük suıqtan ülgän. Tabiblar bäbäyneñ ätise tarafınnan xastaxanägä kiterelgänçe 2-3 säğat’ êlek can birüen äytä.

 “Bezgä kilgändä yöräge tuqtağan ide. Ätise täräzäsez barakta yäşäwlären, köçle suıqlarda qaluların söyläde. Bezneñçä, bäbäyneñ awır suıq tiyü näticäsendä sulışı özelgän häm yöräge tuqtağan. Kilgändä boz şikelle ide. Zäñgärlängän tirese häm küz bäbäkläre dä şunı kürsätä,”-dip belderä mediśina xezmätkärläre.

Xastaxanäneñ xisabında äytelgänçä, tiyeşençä tuqlana almağanğa, yäş’ yarımlıq sabıynıñ awırlığı barı tik 4 kilo 500 gramm. Östäwenä, balada keçkenä mi atrofiyäse xastalığı küzätelgän.

Ğailä Rusiyä häm rejim höcümnäre waqıtında Dimäşq’nın Könçığış Guta töbägennän 2018nçe yılda İdlibkä küçenä. Anda da bombalaw däwam itkäç, Törkiyä çigenä yaqın cirdä ber waqıtlıça yäşäw mäydanına sıyına.

Äsäd rejimı häm Rusiyäneñ İdlib kiyerenkelekne kimetü töbägendäge toraq punktlarğa köçle höcümnäre näticäsendä 2019nçı yılnıñ ğıynvarınnan birle yaqınça 1 million 800 meñ grajdanlı Törkiyä çige yağına taba küçende.