İranda qar astında qalıp üldelär
Qayber cirleklärdä qar biyeklege 6 metrdan artqan.
İrannıñ Ğilan vilayätendä köçle qar yawu küzätelä. Näticädä qar taşqınnarı barlıqqa kilä. Alarnıñ astında qalıp 7 keşeneñ ğomere özelgän.
İran ğadättän tış xällär xezmäte süzçese Musteba Xalidi däwlät telekanalına yasağan belderüendä bolay dide: “Gilan vilayätendäge Rudbar rayonında qar körte töşep 5 keşeneñ ğomere özelde, Reşttä isä ber yortnıñ tübäse qar astında işelü säbäple 2 keşe hälaq buldı”.
Cirlektä, monnan tış, 78 keşe tayıp yığılıp xastaxanägä salınğan.
İrannıñ tön’yaq häm könbatışında urın alğan Gilan, Mazenderan, Ärdäbil, Könçığış Azärbaycan, Könbatış Azärbaycan häm Kördestan vilayät’lärendä ber atna baruçı qar yawu tormışqa naçar täêsir itte. Qayber cirleklärdä qar biyeklege 6 metrdan artqan häm yullarda xäräkät tuqtalğan.
Bäyläneşle xäbärlär
Neft' ob'yektında zur yanğın
Ğıyraqnıñ Ärbil şähärendä sänäğat' ob'yektları urnaşqan cirlektä ut çığa