Dön'yadağı iñ ölkän ir-at Yaponiyädä
113 yäşenä sanawlı könnär qalğan Çitêśu Vatanabêğa Ginnes sertifikatı tapşırıldı
Yaponiyädä 112 yäşendäge Çitêśu Vatanabê Ginnesnıñ rekordlar kitabı tarafınnan “dön’yadağı iñ ölkän ir-at” dip tabıldı. Kyodo agentlığınıñ xäbärenä qarağanda, ul 1907nçe yılnıñ 5nçe martında Niigata töbägendä tuğan. Çitêśu Vatanabê fermer ğailäneñ ulı bula. 20 yäşendä ul Tayvan’ğa kitä häm 18 yıl şunda yäşi. İkençe bötendön’ya suğışınnan soñ Vatanabê Niigatağa kire qayta.
Anıñ 5 balası bulğan häm ul 10 yıl êlek kenä bonsay ağaçı üsterep satudan tuqtağan.
113 yäşenä sanawlı könnär qalğan Vatanabêğa üze yäşi torğan qartlar yortında Ginnes wäkile sertifikat tapşırdı. Ul ozaq yäşäweneñ sere belän bäyle sorawğa “Açulanmağız häm kölemserägez” dip cawap birä.
Vatanabêğa qadärge dön’yanıñ iñ ölkän ir-atı, şulay uq, Yaponiyäneñ Xokkaydo töbägennän Masazo Nonaka 2019nçı yılnıñ ğıynvarında 113 yäşendä wafat buldı.
Dön’yanıñ iñ ölkän keşese dä Yaponiyädä yäşi. Ul uzğan ayda 117 yäşen tutırğan Kane Tanaka.
