Burkina-Fasoda xalıq üz teläge belän terrorçılarğa qarşı suğışa
Alar 3 awılğa höcüm itüçe 14 terrorçını ütergän
1357809
Burkina-Fasoda uzğan ayda çığarılğan qanun nigezendä terrorçılıqqa qarşı köräştä üz teläge belän qatnaşuçı suğışçılarğa qoral birelä başladı. Alar tön’yaqta awıllarğa höcüm itüçe 14 terrorçını täêsirsez xälgä kiterde. Kemlege bilgesez keşelär Burzanga şähäre tiräsendäge toraq punktlarğa bärep kergän bulğan. Qorallanğan xalıq alarğa qarşılıq kürsätä. Terrorçılarnıñ 14en üterälär. Monnan tış, bäreleştä 2 suğışçı häm 2 grajdanlınıñ ğomere özelä.
Kiçä isä ilneñ könçığışındağı xärbi noqtağa qorallı höcüm oyıştırğan terrorçılarnıñ 7se täêsirsez xälgä kiterelde. Ütkän comğada Soum töbägendä bilgesez qorallı keşelär ber toraq punktqa bärep kerä. Alarnıñ 22se üterelä.
