Tramp belän Tryudo koronavirus turında söyläşte
İke lider çir belän köräşüdä berdäm êş alıp barırğa kileşte
1351856
AQŞ ilbaşı Donal’d Tramp Kanada xökümäte räise Djastin Tryudo belän koronavirus kizüe turında söyläşte. Äñgämä telefon aşa bardı.
Aq Yorttan yasalğan belderügä qarağanda, Tramp belän Tryudo yaña tör koronavirus kizüeneñ monitoringı, anı kisätü häm taraluın çikläw mäs’äläsendä ike däwlätneñ urtaq tırışlıqları xaqında söyläşte.
Liderlar söyläşüdä Qıtay xalıq cömhüriyäte nigezsez qulğa alğan 2 Kanada watandaşınıñ irekkä cibärelü kiräklege xaqında da urtaq fikerdä qaldı. Alarnı dekabr’dä şımçılıqta ğayepläp yaptılar.
