Kruiz köymäse karantinğa yabıldı

İtaliyädä yaña tör koronavirus şöbhäse belän yulçı korabı karantinğa alındı. Ul Urta diñgez buyınça säyäxät itkän. Kruizğa çıqqan qıtaylı parda yuğarı temperatura terkälgännän soñ köymä İtaliyäneñ Çivitavekya şähäre portına kerep tuqtıy.

Xäbär agentlıqlarınıñ yazuına qarağanda, Kosta Krok’yer şirkätenä qarawçı kruiz korabında 6 meñ yulçı bar. Alarnıñ 751e qıtay.

Yuğarı temperaturalı parnı koronavirus şöbhäse belän başta korabnıñ lazaretına salalar, soñınnan analizlar öçen Rimnıñ Lazzaro Spallanzani yoğışlı awırular institutına iltälär.

Qıtaylı par yäşägän kayuta häm ul tirädäge başqa kayutalar da buşatılıp karantinğa yabıldı.