AQŞ xärbiläreneñ baş miye selkende
İran cibärgän raketa şartlawınnan soñ Ğıyraqtağı AQŞ bazasında bulğan ğaskärilärne xastaxanägä salğannar
1342490
İrannıñ Ğıyraqtağı Ayn äl-Äsäd bazasına yasağan raketa höcümendä 11 Amerika ğaskärieneñ baş miye selkengän. Alarnı Germaniyä häm Kuveyttağı xärbi sälamätlek üzäklärenä cibärgännär.
AQŞnıñ üzäk komandalığınıñ räsmi wäkile polkovnik Bill Urban bolay dip belderä: “İrannın 8nçe ğıynvarda äl-Äsäd bazasına yasağan höcümendä ber AQŞ xärbiye dä ülmäde, berniçä ğaskäri şartlawdan soñ baş miye selkenü bilgeläre belän xastaxanägä salındı, alarnıñ däwalanuı däwam itä”.
Urban ğaskärilärneñ soñınnan qabat Ğıyraqqa qaytaçağın belderde.
Bäyläneşle xäbärlär
"Qayberläre tereläy kümelgän"
"Xamas" Nasır xastaxanäsendäge kümäk qaberlekne tikşerü öçen yärdäm sorıy
